मुंबईसह महाराष्ट्रातील २९ महापालिकांसाठी १५ जानेवारी रोजी मतदान होत आहे. निवडणुकीच्या पार्श्वभूमीवर मराठा आरक्षण आंदोलनाचे नेते Manoj Jarange Patil यांनी आपली भूमिका स्पष्ट केली आहे.
महायुती किंवा महाविकास आघाडी (मविआ) यापैकी कोणालाही पाठिंबा नसल्याचं त्यांनी जाहीर केलं आहे.
मनोज जरांगे यांची स्पष्ट भूमिका
मनोज जरांगे पाटील म्हणाले की, माझा मुंबईसह संपूर्ण महाराष्ट्रात होत असलेल्या महापालिका निवडणुकांमध्ये महायुती किंवा महाविकास आघाडीला कोणताही पाठिंबा नाही. माझ्या नावाने जुने व्हिडिओ व्हायरल केले जात असतील किंवा पत्रकं प्रसिद्ध होत असतील, तर त्यावर कोणीही विश्वास ठेवू नये.
पत्रकं आणि व्हायरल व्हिडिओंबाबत स्पष्टीकरण
जर कुणी माझ्या नावाने पत्रकं काढली असतील किंवा पाठिंबा दिल्याचं दाखवत असतील, तर ते साफ चुकीचं आहे. स्थानिक पातळीवर कुणी व्यक्तीगत निर्णय घेतला असेल, तर त्याचा माझ्याशी किंवा आंदोलनाशी काहीही संबंध नाही, असंही त्यांनी स्पष्ट केलं.
मराठा समाजाला आवाहन
मनोज जरांगे पाटील यांनी मराठा समाजाला आवाहन करत म्हटलं की,
मराठा आरक्षणाला विरोध करणाऱ्यांना सहकार्य करू नका
समाजाच्या विरोधात उभे राहणाऱ्यांना योग्य ती जागा दाखवा
चळवळीत असलेल्या कार्यकर्त्यांवर सर्वांनी लक्ष ठेवावे
“महापालिका निवडणूक म्हणजे जत्रा”
महापालिका निवडणुकांवर भाष्य करताना ते म्हणाले, “कोण महापौर होणार यापेक्षा मराठा समाजाला आरक्षण मिळणार आहे का? हा खरा प्रश्न आहे. महापालिका निवडणूक म्हणजे जत्रा आहे.” मनोज जरांगे पाटील यांनी निवडणुकीपासून स्पष्टपणे अलिप्त भूमिका घेतली असून, मराठा समाजाने फक्त समाजहित आणि आरक्षणाच्या भूमिकेवरच निर्णय घ्यावा, असा स्पष्ट संदेश दिला आहे.