Bigg Boss 19 Finale Winner Gaurav Khanna : सलमान खान होस्ट करत असलेल्या बिग बॉस १९ या रिअॅलिटी शोचा जंगी ग्रँड फिनाले आज पार पडला. गौरव खन्ना, प्रणित मोरे, तान्या मित्तल, फरहाना भट्ट व अमाल मलिक हे या सीझनचे पाच फायनलिस्ट होते. या पाच जणांपैकी बिग बॉसची ट्रॉफी गौरव खन्नाने घरी नेली.
ग्रँड फिनालेमध्ये फायनलिस्ट व इतर स्पर्धकांचे डान्स परफॉर्मन्सही झाले. बिग बॉस १९ चा १५ आठवड्यांचा प्रवास ७ डिसेंबर २०२५ रोजी ग्रँड फिनालेने संपला. गौरव खन्ना, अमाल मलिक, फरहाना भट्ट, प्रणित मोरे आणि तान्या मित्तल हे टॉप ५ फायनलिस्ट होते.
त्यापैकी गौरव खन्ना विजेता ठरला,अशी घोषणा सलमान खानने केली. २४ ऑगस्ट रोजी १६ स्पर्धकांसह हा शो सुरू झाला आणि वाइल्डकार्ड एन्ट्रीनंतर एकूण १८ लोक शोचा भाग झाले होते. या १८ जणांपैकी गौरव खन्नाने ट्रॉफीवर नाव कोरलं.